Mensieland en Babaland

• Maandag tot Vrydag vanaf 06:30 tot 17:30
• Halfdag: Maandag tot Vrydag vanaf 06:30 tot 13:00
• Kinders wat die skool voldag bywoon moet asseblief teen 17:30 reeds opgelaai wees.
• ‘n Boete van R100, vir elke 15 minute of ’n gedeelte daarvan, sal die einde van die maand op u rekening aangedui word, of van u deposito verhaal word, wanneer u u kind laat kom oplaai.
• Die skool word GLAD NIE oopgesluit voor 06:30 nie, aangesien die personeel besig is om ander takies in die oggend te verrig.
• Verwys asb ook na ons BYSTANDKLUB op bladsy 7.
• Neem asb kennis dat die personeel gedurende die vakansies soms om die beurt verlof kry.

• Die skool sluit glad nie gedurende die jaar nie, behalwe vir Desembermaand, en skoolvakansiedae. Sien bylaag D vir datums.
• Datums sal aan die begin van die jaar aan u bekend gemaak word.
• Die skool sal gesluit wees op publieke vakansiedae, Saterdae en Sondae.
• Indien ’n vakansiedag op ’n Dinsdag of Donderdag val sal die eienaars hulle diskresie gebruik om te besluit of die Maandag of Vrydag ’n skooldag is.
• Tydens vakansies word ’n vakansieprogram gevolg.

Rook is streng verbode op Mensieland se perseel en in die parkeerarea.

Indien u kind afwesig gaan wees, moet u asseblief die skool voor 8 uur in kennis stel.

• U kind/ers moet asb teen 8 uur reeds by die skool wees, aangesien die juffrouens met hul dag se roetine moet begin.
• Indien u laat is, moet u self vir u kind se ontbyt sorg. Ontbyt gaan ongelukkig nie uitgehou word nie.

• U moet asseblief duidelik op u kind se registrasievorm aandui wie verantwoordelik sal
  wees om u kind by die skool te kom oplaai.
• Indien ’n ander persoon u kind moet oplaai, moet u asseblief die kantoor vroegtydig daarvan in
  kennis stel. U kind se veiligheid kom eerste in hierdie verband.
• Kinders moet asb by hul onderskeie klassies opgelaai word in die middae.
• Voltooi die uittekenregister.

Indien u kind vir enige iets wat in ons kossies voorkom allergies is, moet u asb vir daardie betrokke dag sy/haar eie kossies inpak. Ons kan ongelukkig nie aan almal se dieët-gewoontes aandag skenk nie. ’n Spyskaart sal in ontvangs vertoon word.

• Daar sal in die oggende vanaf 06:30 tot 07:15, en in die middae weer vanaf 16:30 tot 17:30 ’n wagklas wees.
• U kan u kind/ers by hierdie klassies aflaai in die oggende, en weer hier ontvang in die middae.
• Daar sal personeel wees wat hier na u kind/ers sal omsien. In die oggende sal die juffrou of assistent die kinders om 07:15 in die wagklas ontvang en klas toe neem.

Alle vuil klere ens. sal in u kind se sakkie huistoe gestuur word. Maak asb. elke aand seker dat die vuil goedjies uitgehaal word en met skones vervang word.

Kinders het ‘n rustyd nodig gedurende die dag, sodat hulle kan ontspan en rustig wees. Almal moet rus, en geen uitsondering sal gemaak word nie.

Ons moedig ouers aan om ’n verjaarsdagkoek of ander klein eetgoedjies saam te stuur vir u kind se verjaarsdag, vir die maatjies in sy/haar klas. ’n Tydjie sal ingeruim word om vir die verjaarsdagmaatjie te sing en die verjaarsdageetgoed te geniet. Moet asb geen speelgoedjies stuur nie.

Mensieland het 2 lyne: ’n landlyn en ‘n selfoon. Skakel ons gerus op hierdie nommers. Moet asb nie sms’e of BBM’s stuur nie. Ons kan nie waarborg dat dit beantwoord gaan word nie. Moet asb ook nie die staf op hul private nommers skakel nie.

Staf kan ook nie gedurende kantoor-ure na die kantoor geroep word vir oproepe nie. Die kantoor sal met graagte u boodskappies aan die staf gaan oordra.

Kleuters moet asseblief nie hulle eie speelgoed (insluitende Cd’s, Dvd’s of boeke) van die huis af saambring nie. Indien u kind speelgoed bring, sal ons dit bêre, indien ons bewus is daarvan. Indien ons nie bewus is daarvan nie, sal ons geen verantwoordelikheid vir die verlies of skade aan speelgoed aanvaar nie.

• Maak SEKER dat al u kind se persoonlike besittings GEMERK is.
• Dit is u verantwoordelikheid om al u kind se persoonlike besittings elke dag huistoe te neem, en seker te maak dat alles in die sakkie is. Die personeel sal u ook hiermee bystaan.

Stel die skool asb in kennis van enige verandering rakende u huishoudelike sake, bv. egskeiding; wanneer u verhuis; siekte of dood; indien u kind nie ’n goeie nagrus gehad het nie; of wanneer een van die ouers uitstedig is. Hierdie dinge het ’n geweldige uitwerking op ’n kind, en dit sal die skool help om u kind se gedrag beter te verstaan. Die skool sal ten alle tye hierdie inligting konfidensiëel hanteer en nie aanwend vir enige ander doel buiten waarvoor in hierdie ooreenkoms voorsiening gemaak word nie.

Maak asb seker dat daar geen ander kinders saam met u uitgaan wanneer u die skool verlaat nie.

• Ry asb stadig by die linkerkantste hek in, en parkeer teen een van die grensmure, en ry weer
  later stadig uit by die regterkantste hek.
• Druk u toeter gedurende die dag by die linkerkantste hek.
• Neem asb kennis dat u verantwoordelik is vir u kind se veiligheid op die parkeerterrein.
• Moet asb nie voor die stoep of agter die personeel se parkeerplekke parkeer nie. Dit belemmer die verkeersvloei.

Alle beserings wat mag plaasvind deur die verloop van die dag sal aangeteken word in die boodskapboek.

Kindertjies tussen 1 en 3 jaar byt mekaar. Ons weet nie hoekom dit gebeur nie. Dit kan wees omdat hul tandjies kry en hul mondjies seer is, of dit kan ’n kommunikasie probleem wees. Ons sal u in kennis stel wanneer u kind byt, maar moet dit asb nie persoonlik opneem nie. Saam sal ons ’n oplossing vir die probleem probeer kry.

Geen “Potty training” word in die winter gedoen nie. Ons begin na die winter op 1 September daarmee.

• Alle voorgeskrewe medisyne moet aangeteken word in die Medisyneboek en moet in die medisynekas geplaas word. (babas in Babaland se medisyne word aan die opsigters oorhandig.)
• Dit is u verantwoordelikheid om u kind se medikasie te onthou wanneer u kind opgelaai word. U moet ook met die persone wat u kind kom oplaai reël om dit namens u te neem.
• Geen medisyne moet in u kind se sakkie gelos word nie. Daar gaan ’n boete gehef word wanneer ons medisyne in ’n tassie kry.
• Geen vitamines sal deur die skool toegedien word nie. Dit moet u asseblief by die huis doen.

• Kinders wat by die skool siek word, se ouers sal gekontak word om hulle te kom haal.
• Kinders moet nie skool toe gestuur word onder die volgende omstandighede nie:
  • indien u kind diarree het (meer as 3 stoelgange in ‘n paar uur), of as vomering (meer as as een keer in 24 uur) plaasvind. As u kind vomeer nog voor ontbyt, is dit ’n duidelike aanduiding dat iets skort, en hy / sy moet dan liefs tuisbly.
  • as daar sere in u kind se mond voorkom, wat aansteeklik mag wees.
  • indien u kind ’n veluitslag het, saam met ’n hoë koors. ’n Mediese dokter moet dan
    bevestig dat dit nie aansteeklik is nie.
  • ’n koors van 38.5 C, tesame met ander siektesimptome soos hoes, moeilik asemhaal,
    huil, ongewone slaperigheid, lusteloosheid.
  • ‘n ooginfeksie of “pink eyes” met ’n aanhoudende waterige afskeiding.
  • enige van die aansteeklike kindersiektes soos TB, Pampoentjies, Impetigo (bak-
    teriële velinfeksie), Hepatitis A, Waterpokkies, Masels, Kroep, Duitse masels (Rubella), Gordelroos of Keelinfeksies.
  • Kopluise
  • Asemhalingsprobleme, met ’n asemhalingstempo van oor 50 per minuut.
  • Indien u kind enige van bogenoemde het wat aansteelik kan wees, sal ons u kind slegs toelaat wanneer u dokter per brief bevestig dat die toestand nie aansteeklik is nie.
  • Ons kan ongelukkig nie aan versoeke voldoen om kinders nie te laat buite speel nie. Indien u voel u kind mag nie buite speel nie, moet u liefs u kind tuis versorg todat hy/sy beter is.
  • Verwys asb ook na ons KINDERKLINIEK op bladsy 7.

Die volgende moet elke dag in u kind se sakkie gepak wees. (Merk alles asb. duidelik)

• 1 Stelletjie skoon klere, ’n baadjie of truitjie, kousies (vir die winter). (Meer kleertjies indien ons besig is met toiletroetine)
• 1 Skoon kombersie.
• ’n Hoed of pet.
• Smeer self soggens vir u kind/ers sonbrandroom aan. U kan ook die roompies saamstuur, sodat ons weer in die middag kan aansmeer as dit nodig is.
• Eie kam/haarborsel.
• Weggooidoeke – indien nodig (genoeg vir die typerk wat u kind by die skool is), boudjiesalf en “wet-wipes”. (vir Peuters)
• ’n Klein waterbotteltjie.
• ’n Dun waslappie.

Die volgende moet elke dag in u kind se sakkie gepak wees. (Merk alles asb. duidelik)

• 3 Stelletjies skoon klere, ’n baadjie of truitjie, kousies (vir die winter) .
• 2 Spoegdoeke.
• Minimum van 8 weggooidoeke, boudjiesalf en “wet-wipes”.
• Babaformule en bottels wat gesteriliseer is.
• Babapap sal in die oggend voorsien word, en fyn kookkos in die middag.

• Elke kind sal sy/haar eie mandjie in die babakamer hê, waarin sy/haar doeke, boudjiesalf, wet-wipes ens. geplaas sal word.
• Elke baba benodig ‘n groot plat kussing, 2 kussingslope, 2 kombersies en 2 paslakens.
• Elke baba sal ook sy/haar eie mandjie in die kombuis hê, waarin sy/haar bottels, formule, fopspeen ens. geplaas sal word.
• Elke baba sal sy/haar eie campcot hê.
• Geen drastoeltjies of stootkarretjies sal by die skool toegelaat word nie, a.g.v. stoorspasie.
• Geen pakke doeke nie asseblief. Bring slegs die nodige doeke vir die dag.

• U sal ’n kommunikasieboek ontvang. Gaan dit elke aand na vir nuusbriewe ens.
• Vir babas en peuters: U moet vir ons alles oor u kind se roetine skryf, bv. drinktye, slaaptye, ens. aangesien ons by u roetine wil inval.
• Hierdie boek moet elke dag terug skool toe gestuur word, asseblief.

• Skriftelike kennisgewing van een kalendermaand word vereis indien u kind die skool gaan verlaat.
• Ouers bly verantwoordelik vir Desember se fooie, indien kennis gedurende Oktober en November gegee word.
• Kinders wat die skool verlaat om Gr R toe te gaan se deposito sal gebruik word as deel van betaling vir die laaste maand. (tensy hulle vanaf Gr R ons naskool sentrum, A Place Like Home ook gaan bywoon. In so geval word die deposito oorgedra.)

• Fooie is maandeliks vooruitbetaalbaar voor of op die 4de van die maand.
• Fooie is in 12 maandelikse paaiemente betaalbaar gedurende die jaar, ongeag skoolvakansies of afwesigheid.
• Fooie is onderworpe aan verandering met vroegtydige kennisgewing.
• Geen tjeks sal aanvaar word nie.
• Fooie wat na die 4de dag van die maand betaal word, is onderhewig aan ’n R50,00 boete per dag.
• Hierdie boetes sal automaties van u deposito verhaal word.
• Mensieland behou die reg om u te oorhandig aan ’n prokureur en u kontrak te beindig indien u nie aan die vereiste voldoen nie.
• Geen kontant sal op die perseel aanvaar word nie. Fooie moet per internet of debietorder in ons rekening betaal word.
• ’n Volle maand se skoolfooie moet inbetaal word as deposito. Dit moet saam met registrasie betaal word en is terugbetaalbaar wanneer u die skool kennis gee, indien u kind se skoolfooie nie agterstallig is nie.
• Die verskil tussen die deposito en die skoolfonds van toepassing tydens die kennismaand, moet voor die 4de dag van die kennismaand betaal word. Neem ook asb kennis dat geen rente oploop teen die deposito tydens die tydperk wat ons dit hou nie.

Ons het besef dat daar ‘n groot aanvraag is vir wanneer kinders siek word en ouers verlof moet neem om na hulle kinders om te sien. Daarom het ons besluit om ‘n “kinderkliniek” of soos ons almal dit ken, ‘n “siekeboeg”, by die skool oop te maak. Ons het ‘n aparte wendy daarvoor ingerig en basiese medisyne en goeie sorg word gebied. Kinders sal in isolasie gehou word en aangesien Mensieland ‘n gekwalifiseerde verpleegster en apteekbystand het, kan ons hierdie diens bied.

Indien u gekontak word wanneer u kind siek is, sal ons u die keuse bied om u kind te kom haal of om u kind in die kliniek te laat opneem. Teen geen ekstra koste nie.

Ons het besluit dat dit in die beste belang van elke kind is om al van kleins af te verstaan dat netheid en persoonlike higiëne baie belangrik is. Meisies se lang hare moet asb gevleg wees. U kan dit self by die huis of by ons salon vroeg elke oggend laat doen.

Seuns se hare moet ten alle tye netjies en uit die gesigte wees.

Ons het ‘n salon ingerig agter Babaland. Meisies se hare word elke oggend netjies gevleg. Seuns se hare word op aanvraag gesny en netjies gehou. Wanneer ons dink dit is nodig ssal on sook met u kommunikeer. Dit sal gedoen word teen geen ekstra koste nie. Alle mensies by Mensieland sal een keer in twee weke behandel word vir luise. Dit is ‘n “maintenance spray” wat aangewend sal word deur ons haarkapster. Hierdie behandeling word gratis aangebied.

Ons het besef dat al hoe meer ouers sukkel om hulle kinders betyds by die skool op te laai in die middag. Ons bied dan vir u die geleentheid om aan te sluit by ons “Bystandklub”.

Die klub sal oop wees tot 18h30 in die aande teen ‘n vaste fooi van R100 per maand, addisioneel tot die skoolfonds, en daarna R10 per uur vir elke uur wat die diens gebruik word. Ons vra egter dat u ons voor 16:30 sal laat weet as u nie daar sal wees teen gewone toemaak tyd nie, sodat die opsigter kan reëlings tref. Ouers wat nie aangesluit is nie, kan nie gebruik maak van hierdie fasiliteit nie en sal steeds R100 vir elke 15 minute gepenaliseer word op die dag van laatkom.

Daar word ‘n musiekles 2 keer per week per klas aangebied deur Mensieland self. Dit sluit instrumente, sang en sommer net lekker ritme en spel in. en Hierdie les word gratis aangebied as deel van ons dagprogram.

Voel asb vry om enige probleme, voorstelle en ongelukkighede ter enige tyd te kom bespreek met die onderstaande persone:

Etes – Annemarie

Finansies – Marelise en Alida

Personeel – Alida of Annemarie

Skoolwerk – Juffrou Belinda

Dit sal verseker dat ons saam die beste vir u klein mensie kan bied

Voltooi die volgende vorms en besorg terug aan Mensieland:

1. Prospektus – Parafeer asb elke bladsy van die prospektus

2. Insrywingsvorm : Bylaag A

3. Vrywaring en toestemming : Bylaag B

4. Prospektus aanvaarding : Bylaag C

5. Fooie en termyne : Bylaag D